Fazil Mustafa: "Azərbaycan Ordusu 3-4 gün müddətində Dağlıq Qarabağı azad edə bilər" Siyasət, Slider

Fazil Mustafa: "Azərbaycan Ordusu 3-4 gün müddətində Dağlıq Qarabağı azad edə bilər"
“Azərbaycanın hazırkı iqtisadi durumunun Ermənistanla müharibəyə hazır olub-olmaması məsələsinə bir neçə aspektdən baxmaq lazımdır. Çünki Azərbaycan təkcə Ermənistanla müharibə etmir, Ermənistan və onu dəstəkləyən ölkələrlə də müharibə edir”.

Bu sözləri “Qafqazinfo”ya açıqlamasında millət vəkili Fazil Mustafa Azərbaycan iqtisadiyyatının Ermənistanla müharibəyə hazır olub olmaması məsələsinə aydınlıq gətirərkən deyib.

Millət vəkili qeyd edib ki, iqtisadiyyatımızın potensialını kənar dövlətlərə görə müəyyənləşdirsək, yetərli səviyyədə olmadığını görərik: “Biz kiçik bir dövlətik. Hər halda, Ermənistanı dəstəkləyən Rusiya və Amerika Birləşmiş Ştatlarının iqtisadiyyatı qarşısında müqayisəolunmaz dərəcədə hər hansı üstünlüyümüz yoxdur. İstənilən vaxt Ermənistana büdcədənkənar vəsait həm ABŞ, həm də Fransa tərəfindən ötürülə bilər. Rusiya tərəfdən isə hərbi sursatlar verilə bilər. Bütövlükdə isə Ermənistanla müqayisədə iqtisadi potensialımız daha böyükdür. Kənar dəstək olmasa, Azərbaycan Ordusu 3-4 gün müddətində Dağlıq Qarabağı azad edə bilər”.
Müəllif : Cavid